(Oliver Lee司儀紀錄) 一場婚禮一個故事 - 【66圍婚宴】 | 澳門司儀網 Macau MC - 最齊全的司儀主持平台

Oliver Lee司儀工作紀錄: 一場婚禮一個故事 - 【66圍婚宴】

Oliver Lee 司儀紀錄: 一場婚禮一個故事 - 【66圍婚宴】

66圍係一個咩嘅概念?

 

66圍令我即刻諗起係影相同敬酒~我哋先睇數字,66圍如果嚟齊,總共有792位來賓,我當一圍枱為一組,每組上台影相1分鐘(包括上落時間同比攝影師執位),已經係超快,咁就用咗66分鐘。然後到敬酒我當每圍枱用30秒,咁都要用33分鐘先敬完,淨係呢兩part已經用咗差唔多99分鐘,意頭上好呀,長長99。當然你可能會話擺到66圍枱一定係大家族,有幾張相可能各有30、40人,誇張啲講,我當每位長老家族大合照有50人,4大長老夾埋晒200人(16圍),4張影晒,但呢個情況係仲有成600人未影相....敬酒方面,亦曾經有新人同我講唔使半分鐘一圍枱,的確有啲枱係叫聲「飲杯」就下一張,真係唔使半分鐘,但係有時4大長老去到每一圍枱都會多謝下啲朋友,傾幾句⋯「幾時到你個女呀~」,隨時成分鐘一圍枱~

 

網上嘅template,唔係每一場婚宴都適用,有時候會用計數方式同新人傾婚宴流程,係一件好清晰嘅事,當然大家都會話定會計時間,但唔會每一部份都好仔細咁計,亦唔會肯定仲有咩影響時間等等。呢個情況,唔可以用template提供嘅分組嘅影相模式去進行,亦要避免台上被同一個組合嘅來賓長時間影相,既唔可以得失來賓,又要有效率咁影,都要令新人預先有呢個諗法,再加埋現場有技巧性嘅說話通知影相方法。

 

幸運嘅係,新人明白情況,亦無其他活動喺當晚進行,用咗個簡單快捷嘅影相模式,要處理得好小心,亦要留空間,彈性方式去配合不同要求,去到差唔多11點時,等到最尾個來賓都終於影到相喇。

 

數字絕對係婚宴嘅關鍵,除咗銀彈,時間都好重要,取決於席數、天才表演、surprise、換幾多套衫、有冇斟茶儀式....

司儀主持價錢報價
  • 31-12
  • 婚宴司儀

  • 澳門司儀網-司儀主持人註冊登記
  • 澳門司儀網-尋找搜尋司儀主持
  • 澳門司儀網-司儀主持排行榜
  • 澳門司儀網-司儀主持紀錄
  • 「澳門司儀網」各司儀主持之優質司儀訓練課程班
  • 澳門司儀網-上門司儀主持人訓練
  • 澳門司儀網廣告查詢