澳門司儀網

新郎哥話自己不善於講嘢，所以晚宴時斷靠曬我，我同佢講正常都係咁，唔使咁擔心。
事實係，10個人有9個都唔會善於喺台上講嘢，呢番說話唔係讚自己，而係絕大部份人就算去到結婚呢個年紀，工作做到一定崗位，有機會同一班人講嘢，最多可能只係係幾十人，仲要係交代公事，無乜說話上嘅技巧性。而婚禮上面對嘅人，唔好話特別多，就當200人(16圍左右)，其實對新人黎講係好大壓力，又驚講錯嘢，又驚唔知講緊乜嘢，仲要隨時上到去一片空白…
最後，我同新郎哥講，對白好簡單，最重要係你想多謝邊個，有咩同老婆講，然後寫底曬佢，搞氣氛嘅…等我嚟！